İtaliya istifadəsiz dövlət binalarını turizmə cəlb edir

İtaliya istifadəsiz qalan dövlət binalarını turizm yatırımları üçün açmağı hədəfləyir. Maliyyə və İqtisadiyyat Nazirliyinin (MEF) reyestrində 3 milyondan çox dövlət daşınmazı qeydə alınıb və bunların əhəmiyyətli hissəsi bələdiyyələrə məxsusdur.

Məqsəd bu obyektləri turizm layihələrinə cəlb etməklə həm yatırımları artırmaq, həm də yerli iqtisadiyyatları canlandırmaqdır. Söhbət binaların satışından deyil, onların qonaq qəbul edən obyektlərə çevrilməsindən gedir.

Azərbaycanda da rayon və kəndlərdə istifadəsiz qalan köhnə inzibati binalar, məktəblər və digər dövlət obyektləri az deyil. İtaliya nümunəsi göstərir ki, belə binaların siyahıya alınması və kiçik qonaq evi və ya kafe layihələri üçün icarəyə verilməsi turizm axınını şəhər mərkəzlərindən kənara çıxara bilər.