IDEA və tərəfdaşları ekoturizm bələdçiləri üçün növbəti təlim keçirib

IDEA İctimai Birliyinin təşəbbüsü ilə “Məsuliyyətli Ekoturizm Bələdçiliyi” üzrə növbəti təlim proqramı keçirilib. Tədbir Ekologiya və Təbii Sərvətlər Nazirliyi, Azərbaycan Dövlət Turizm Agentliyi və Azərbaycan Turizm Bələdçiləri Assosiasiyasının birgə əməkdaşlığı ilə təşkil olunub.

Təlim ekoloji məsuliyyətli turizm prinsipləri əsasında fəaliyyət göstərən tur operatorları və ekoturizm bələdçiləri üçün nəzərdə tutulub. Proqram davamlı təşəbbüsün növbəti mərhələsidir.

Qonaq evləri, kiçik otellər və təbiətə yönəlmiş tur marşrutları üzrə işləyən sahibkarlar üçün bu cür təlimlər bələdçi heyətinin ekoloji standartlara uyğun hazırlanması baxımından praktik əhəmiyyət daşıyır.