Euronews 10-cu Azərbaycan Qran Prisinin turizmə təsirini işıqlandırıb

Bakıda keçirilən 10-cu Formula 1 Azərbaycan Qran Prisi minlərlə xarici qonağı şəhərə cəlb edib. Euronews yubiley yarışına həsr etdiyi reportajda tədbirin turizmə, xidmət sektoruna, məşğulluğa və yerli iqtisadiyyata artan təsirini önə çıxarıb.

Yarış günlərində şəhərə gələn xarici ziyarətçilər otel, restoran və digər xidmət sahələrinə əlavə yük gətirir. Euronews-un qiymətləndirməsinə görə, onillik tarixi olan bu tədbir Bakının beynəlxalq tədbir turizmi mərkəzi kimi tanınmasında rol oynayır.

Belə tədbirlər otel və restoran biznesi üçün dolğunluq və gəlir baxımından ən gərgin, eyni zamanda ən sərfəli günlərdən sayılır.